انزلی تورکلری (انزلیچی)

 آرزی گوز اولان مهدی اکبری تانیدیقیمیز گنج اویرنجی  تیکینتی ایشینده عایله
سینه

دایاق دیرک اولماق اوچون آتاسینان بیرگه ایشلیینده بیر بیانین دوردونجو مرتبه دوشوب

حیاتین ایتیررکن عایله سینی و تانیانلارینی اوز یاسینا چاغیرمیشدی بو آجی خبری

گتیرن ؛  دئیینده کی اوغول آتاسینین قوجاغیندا جان وئردی گوزلریمینن اوت

قالخیب بو شعیری اونون مرثیه سی اولاراق یازدیم



   اولکه سینن اوزاق ائلینن اوزاق
قایانین باشیندا بوتایا بنزر

یرینن یوردونان اوچان کهلیگین
هارا یا قونماغی خاطایا بنزر  

کیم سالدی آرایا نیفاقی شری
اولکه ده بیر بئله کوچه کوچ اولدی

بیزیم یر یوردوموز جننت کیمین دیر
 بیزلر کوچمه میشیک بیزه گوج اولدی

   کَدده خانلیق ائدن یادا خانبالیق
شهرده ذللته دوزم لی اولدی

گونده شیلله سی نن اوز قیزاردانین
اوزو اوز اورگین اوزمه لی اولدی 

بیر تیکه چوره گین چیخماقین گورون
بیزیم چین اولوبدور داش آراسیندا

گلین سیفرامیزی گورون آ دوسلار
گونده داوا دوشور آش آراسیندا

   گوچن لر دئییبلر آق گونه چیخار
بیزیم گونلریمیز بس نییا قارا

گیجل زاوالینا گلن خرمنی
بیلمیرم بو کولک آپاریر هارا 

هانی بو اولکه نین باش بیلن لری
نییا یارامیزی باغلایان اولمور

بیردا اوغلو اولن بیر آنا واردیر
قوشولوب مس اونا آغلایان اولمور

   طالعه نه دئیم باخدا نه دئییم
آتا قوجاقیندا بالا جان وئریر

منی دیندیرمه یین منی دینله یین
کوهنه یارالاریم ینه قان وئریر

  مهدی اکبری-ده قرنفیل کیمین
بیر آندا گل آچدی بیر آندا سولدو

مین آرزیلا آنا بویودن بالا
بیر تیکه چوره گین قربانی اولدو

ائلچی بئ

93/12/22

انزلی شهری