انزلی ده اسسن یئللر آدی
+0 به یه ن
بندر انزلی شهری خزر دنیزینین قوینوندا اولدوقونا گوره بو شهرده چوخ سایلی اینسانلار بالیق
توتماق ایشی ایله مشغول اولماقلارینا گوره موظلق هاوا دئیشیک لیگنه گوز قولاق دیقت
یئتیرمهه لیدیلر چونکه دنیزین
کولکنمه سی اونلاری قورخودوب گاهدان خطره سالا بیلردی اونا گوردیر کی خزر دنیزینن
اسسن یئللرین هاممیسینا آد قویوب یئلین اسسدیگی جهتین نظره آلاراق دنیزه گئدردیلر .
اگر بیر نفر اوزو دنیزه ساری قالا ساق الینین وریندن اسسن کولگه گیل آوا. قارشی طرفدن
اسسن یئله خزری . اوندان بیر آز گون باتانا ساری اسسن یئل سرتوک . سول طرفدن
اسسن یئله دشت آوا دئیبلر . بیر یئلده کی وار گاهدان جنوب ورینن
اسر اونادامحلی دیلده یاغیش گتیرن یئل دئیلیر
پره چیلیک ایشی نین تاریخی انزلی ده
+0 به یه ن
انزلی شهرینین لیمان (بندر) اولدوق اوچون بیرادا بالیقچی لیق
ایشی اسگی چاغلاردان چوخ گوجلو گئدیر اوجور کی گئچمیشلردن
بللی دیر ایلک چاغلاردا باغلیقچیقلا ایشی نن مشغول اولان کیمسه
لر بویوک دنیزدن یوخ موطلق مورددابدا تورآتیب بالیق توتارمیشلار
روسلارین ایکینجی دونه بو شهره یوروشو عرفه سینده شیلات ایداره
لیچیلیک تملی قویولوب ایشی گئنیشله نیر ایلک چاغدا بی بی
حوری یه ایمامنزاداسینین قاباقیندا ایندی سه ساحیل قو دئدیگی
میز دنیز کاناریندا دولتی شکیلده پره قورولوب گونده لیک بالیق
توتماق ایشین یولا سالمیشدیلار روسلار بو شهردن گئدندن سونرا
پره چیلر آدینادا بویوک دنیزدن بالیق توتماقی یئرلی ساکینلر اله داوام
ائله میشدیلر؛ بیلدیگیمه گوره بو شهرین هنده ورینده دورد یاخود
بئش دنه پره اولوب . بیرینجیسی ساحیل قو ورینده ایکینجیسی
ساحیل قو نان اسکله آراسیندا. اوچونچوسو انزلی تاییندا ولی دین
پرست آدلی کیمسه نین باشچیلیقینان یولا دوشموش
دوردونجوسوده گول گاه دئدیگیمیز یئر کی بوگون اورایا سنگه چین
دئیلیر اوجور کی بیلیسیز خزر دنیزین بالیقی اوزونه باغلی داد تامی و
یاخود مزه سی واردی بو دنیزدن جوره به جوره خاویار بالیقی توتوب
خاویارین قیزیل قیمتینه دونیایا ساتیریلار . آق بالیق دئدیگیمیز سو
یئمه گی ان دادلی مزه لی و سوفرالارین بزه اولان بالیق دیر کی
دونیالیق شوهرتی واردیر . اوندان گئشدی کفال بالیقی و کوپور
بالیقی الی آخر . هر پره هشتاد دوغسان نفردن تشکیل تاپیب ایلک
باشدا ارباب ویاخود پره صاحاب اولارکن بو هشتاد نفر بالیقچیلارا
باشچیلیق ائلیینه لوسمان اونون وردستینه پیش مالا دئیلیب . تور
تیکینه چئینچی دئییلیب. اوزون ایپ کی اونان تورو دنیزه توکوب
یغیللار توروس دئیلیر . توروسا بند ویریب اونو چکن ایپه وَرنه دئیلیب
کی هر قولدا قیرخ نفر ورنه چکن اولارمیش سوئا گیریب تورو ایاقینان
ساخلاین کیمسه یه فوکه دوکون دئییلیب و پره چیلرین تور توکن
گمی سینه کله چی (کلکچی)دئیلیب؛اونون پارولارینا آواری دئیلیب
کی هر بیر کله جیده اون ایکی نفر گوجلو هر طرفده آلتی نفر آواری
چکیب قاباقا آپارمخالیدیلار .اونو موشایت ائله یین قایقا
لوتگه دئیلیب اسگی چاغلاردا بالیق توتماق مودتی پاییزین اوولیندن
تا گلن ایل یازین قوتاران گونلرینه داوام ائلرمیش ایندیسه داها
بایرامنان یئرمی گون گئدنده دولت وریندن بو ایشه
مجبوریحالینداسون قویولور
محرم نوروزی .خییره چی
+0 به یه ن
انزلی نین آدلیم خیره چیلرینن بیری اصلی سوی کوکو خالخالین کاهران کندیدن اولان محرم
نوروزی آدلی بیر کیشی اولوب 1300 اینجی گونش ایللرینده بندر انزلی نین بوگون کی شاه
کوچه دئدیگیمیز شنبه بازارین اوست کوچه سینده باققال توکانی اولموش بو اینسان سئور
کیشی دوره برده اجیز آوارایا ال توتوب هنده ورینده اولان کیمسه سیز لر بونا موراجیعت
ائله یینده اوزو گولش لیگینن اونلارین دوگونلرین آچارمیش 1328قحطلیک وآجلیق اوجو باتینان
آذاربایجان شهری لرینن او جمله خالخال بولگه سینن انزلی شهرینه سیخینان کیمسه لره
یاردیم
ائله ییب الینن یاخجیلیق اسیرگه مزدی چوخ اونملی سی بو کی بو خیرخواه اینسان به
ساواد
اولدوقوندا آچیق دوشونجه سی واریمیش دئییلنلر گوره ایکینجی دونیا ساواشی 1918
اینجی ایللرینده انزلی یه پناه
گتیرن ائرمنی لر یاخود اوروپا اولکه لریندن گلن کیمسه لر کی نه دینده اولماقلارینان آسیلی
اولمایاراق اونلارادا یاردیمی گئچرمیش ایندی محرم نوروزی کیشی نین تورهمه سی
بوشهرده یاشایللار
« ایلک اوستادیم یوسفین آیریلیقینا»
+0 به یه ن
اَجلین شوم یئلی اسـد یکجه داغلیدی یووامیز
بـارالهـا نیـا بـس مقصـده چـاتمیـر دوعـامیز
یوسف اول .اینجه .گوزل. سئوملی بیرشاعریدی
موتـَولی گئده لی باغلـی قـالیب دیـر بوقامیز
بیزی غم چولقایان حالدا ییغشـار دیق باشینا
دئدی کوردلر دئمه لی بس هارا گئتدی بوئامیز
شان آذربـایجـانمین دوشسه قلمـداش المی
اوجـالار نـاله سی. اللرده قـالان تک قوبـامیز
نیافخـرایله مـه سین تـورک ائلیم تـاریخینا
چوخ قوچاقلیقلا دوشوب تاریخا تیمورطوغامیز
وطنه دال چئویر نلـر قـاییدیـن اولکه میـزه
بیـزاگر بـاهم اولاق یئرتیلی قـالمـاز چوخامیز
(ائلچی بئی)یوسف اگر گئتدی داریخمازهله لیک
اینانیر ساخلیـاجاق قوربونی اوزائـل اوبـامیز
انزلی شهرینه بیر باخیش
+0 به یه ن
اوجور بیلیرسیز انزلی شهری ایکی یئره بولونور گون چیخان وَرینه غازیان گون باتان ورینه
انزلی دئیلیر ایقتیصاد باخیمنان غازیان انزلیدن باشدیر اونا گوره کی گمرک وبندر ایداره سی و
یاخودسیتاره شیمال تئجارت مرکزی و شهرک صنعتی اصلینده غازیان تاییندا اولور و اونلاریندا
مایش باخیمینان یاشایشلاری انزلی ساکینلرینن یاخچی دیر اوچ بویوک ایمامزادا
(بی بی حوری یه)(ایمامزادا صالح)(آقاسیید نجفی)توربه سی ده غازیان تاییندا یئرله شیب
.امما اولسون کی
بو شَهَر بوتویلوکده انزلی تانینیر و ایران دئدیگیمیز بیر چرچیوه نین ایچینده بیرینجی شهریدیر
فارسلار دئمیشکن سرانه در آمدی 24فاییزدیر .چوخ قاباقجیل و آچیق فیکیرلی خالقی
اولدوقونا گوره هَنده ورینده اولان شهریلرینن داش ترزییه قویاندا ساوادلی خوش ییملی و
گئییملی خالق سایلیللار یوز یئتمیش فاییز تورک سویلو بیر شهریدیر بو شهرین یوکسک
سرمایه لی شخصیلری ده تورکلردیلر .یئدی شورادان دوردو و گاهدان بئشی تورکلر اولورلار
امما ایندی کیمین تورکلر اوزلرینن بیر دپتداد(نوماینده مجلیس) سئچه بیلمه یبلر بودا
اونا گوره
دیر کی بو شهرده یاشایان تورکلر فرهنگ و دوشونجه باخیمینادان بیر بیر لرینن فرقلی
اولاراق
ائله سن دئیین بیر بیرلرینه یووشموللار بونوندا ایکی عیلتی اولا بیلیر بیری بو کی قافقاز
تورک
مهاجرلرینین توپلومو بو شهرده چوخ گوجلو گئدیر اونلارین یاشایش و دوشونجه باخیملاری
بیزدن فرقلی اولاراق ایجتماعی حرکتلرده ال اله وئریب ائله سن دئیین بیرلیک یارادا بیلمیریک
ایکینجی مسئله بودور کی شیمالی آذاربایجان ایستیقلالا چاتاننان سونرا بندرانزلی شهری
بو اولکه ینن
سرحد اولدوقونا گوره تورک توپلومو حکومت وریندن بو شهرده دارما داغینلیقا دوشوب
یادیمدادیر1375اینجی ایللرینده حوکومت طرفینن فرهنگ و ایرشاد ایداره سینه بیر سیرری
کاغاذ گلرکن تورک لرین بو شهریده نقدر جمعیت اولدوقلار ین و نه ایشلر گوردوکلرین گوز
آلتیناآلنیماق تاپیشیریقلار ی وئریلمیشدیر اوننان سونرا بو شهرده حکومت سوویه سینده
هده لنمه گه باشلانمیشیق یعنی او
پان گلیک چیرکین فیکیری چوخ گئنیش سوویه تورکلره قارشی گوجله نیب قارویر محله
سینده آذری آدیندا کوچه
تابلونون یارارسیز حالا سالانلار سونرا ایتیر باتیر ائله میشدیلر و یاخود آخر خط
دئدیگیمیز بیر چهارراهین باشیندا آذری آدلی بیر باققالین توکان تابلوسونا یوروش ائله ییب
اونودا دارما داغین ائله میشدیلار عوضینده ائرمنی توپلومو بو شهرده حکومت ورینن گوجله
نیب قارا باغ دویوشونده حکومت طرفینن بو هنده ورده یاشایان ائرمنی جوجوقلاری توپلانیب
شهرده آقسییا(تظاهورات) گئچیردیلر کی گویا بو اوشاقلارین آتا بابالارین تورکلر قارا باغدا
اولدوروب یئر یورتلارینان دیدرگین سالیبلار هئله بو بارده دئمه گه چوخ سوزوم وار بلکه
اوسدون آچماق ایندی منیم
اوچون آغیر باشا گلر بیلر اودور قالان سوزو واقتیناقویوب هله لیک یازیما داوام ائله ییرم
.......................................................وامما بو شهرین
گوزلیکلرینه باخمیاراق هممشه بیر چیرکین شوونیست پان گیلک فیکیری وارکی شهری
اوزلرینه چیخیب غیر گیلک کیمسه لرینن ائله سن دئیین یاخچی داورانیشلاری اولماز بو
یالنیش بیر
عنعنه اولاراق بو شهر ه سفر بر اولان (مسافیرلرله)یاخجی گئچینمه ییب چوخ سایدا بو
شهر
گلن مسافیرلر اینجیکلیک له بو شهری ترک ائدرلر.بو شهرین جاماهاتین آچیق دوشونجه و
یئرلی بیر کولتوره مالیک
اولدوقلارینا گوره اوروپالی آچیق فیکیرلی اینسانلار لا بیر داش تره زییه
قویماق اولور.بونوندا عیللتی قاقفازتورک مهاجیرلرینن بو شهریده بیراخدیلاری تاثیر دن
آسیلیدیر .وامما ایکینجی تورک ایجتیماعیتی بو شهرده یوز ایل گئچرکدن گونئی آذاربایجاننان
بو شهر ه کوچوب جمعیتین چوخ حیصه سین تشکیل ائدیللر . بو شهرین تاریخین
آراشدیراندا بیردا دوزه لیلن مچیدلرین یوزه هشتاد فاییزین اینانج تاثیرلی اولان
تورکلردوزلدیبلر.بویوک پیشه وری بو شهرده یئدی ایل یاشاییب آژیر آدلی درگیسی نی بیرادا
باشلاییب سونرا لار تبریزده داوام ائله میشدیلر .ایران چرچیوه سینده مشروطه دئدیگیمیز
(اینقلابی)دئیشیکلیک اگر قافقاز و یاخود باکی شهریندن محمدجلیل قولوزاده و یاخود میرزه
علی اکبر
صابیرین (ماللا نصیالدین)درگی سی نین آچیق ینی لنمک فیکیرینن بارلانیبسا او حرکت
انزلیده دوغولوب رشت شهرینده ایمکله ییب تبریز ویاخود آذاربایجان دا ستارخان
و باقیر خان باشچیلیقلا اوز ایسده ینه چاتمیشدی.اصلی سوی کوکو خالخالدان اولان
موسیقی اوستادی محمد ریضا لوطفی بو شهرده ایبتدایی صینیف درسلرینی گئچیریب . و بو
شهرده ایزد ملوک کیمین ار قادینمیز یاشاییب.و بو شهرده اوضمان شاعیرلریمیز اوستاد
وجی و مرحوم
شاعیریمیز یوسف حوسین زاده یاشاییب. گئچن ایللرده اوستاد عزیزطویلی نین
(قووالان غزالان)
آدلی انزلی شاعیرلرینین تذکره کیتابین چاپ ائله یینده بیرینجی شاعیر کی انزلیده تاریخ
ادبیاتیندا شعیری ثبت اولان مُضطر اردبیلی یالنیش اولاراق مظفر آدینا یازیلیب. سون
سوزوم بو کی بوشهره اوز توتان سوی داشلاریما دئمه لییم موطلق کوچه بازار دیلی بو
شهرده تورکو
اولدوقونا گوره باجاردیقجا اوزلریده تورکو دانیشسینلار.مندن هئله لیک بو قدر ینی پایلاشانا
کیمین ...............................
- [ 1 ]