یازار : ائلچی بئی | بؤلوم :
+0 به یه ن
یوخلاییب قوینوندا یاتدی اهل عرفان انزلی
توپراقوندا شعیر شاهی اولدی مهمان انزلی
میزبان اول حیفدور اینجیتمه دیوان صاحیبین
توپراقون ائیلر مزاری دّر گیلان انزلی
چوخلاری ائیلرمکان سنده *وجی نین عشقینه
عاقبت وار طالعینده یاخجی دوران انزلی
*یوسفون شعیرینده مین مفهوم لار جان آخداریر
ائله ییب شعیر عالمینده آیری طوفان انزلی
بو ایکی دّر گرانمایه سنین قوینوندادیر
افتخار ائیله مدالین دیر بو عنوان انزلی
بیل بهاسین هر ایکی شعروادب سلطانیدور
حفظ میراث اولماقا قوی بیر نگهبان انزلی
تورکون عرفان گشتی سی سینه نده باخ لنگر سالیب
سنده دیر سرمایه ی آذربایجان انزلی
بسله گول تک هیچ بیری احساس غربت ائتمه سین
اولماسین باغیندا هیچ بیر گول پریشان انزلی
*ائلچی بئی دن عطیرینی آللیق وجی نن یوسفون
ائله ییب سوزلوک اوجاغین باغ بستان انزلی
چوخ گوزل خلق ائله ییب *اینجه باخیش مجموعه سین
ائلچی یه احسن دئییب دیر اهل گیلان انزلی
*شهریارین رشت ده کی شعرو ادب مجموعه سی
ال اله وئردی یاراندی تا بو عنوان انزلی
چون (بشیر)ین قوربت ائلده همدمی شعر اهل دیر
گورسه شعیر اهلین اولار شادو خرامان انزلی
بو شعیری سئویملی اوستاد شاعیریمیز ((بشیر قهرمانی تکله)) جانابلاریانزلی
اجتماعیتینه خطابا
یازمیشدی اولدوقجاجانابلارینان مینتدارلیق ائله ییب بیله سینه
اوزون عومورو جان
سالیقی آرزیلیرام
*اوستاد وجه اله رمضانی کیوی
(وجی)آذاربایجانیمیزین آدلیم غزلشاعیردیر کی انزلی ده توپراغا
تاپیشیریلیب
*رحمتدلیک یوسف حسین زاده بویوک شاعیریمیزدیر انزلی شهیرینده
1381بیرینجی گونش ایلینده دونیاسین
دئشیب بو حالدا توربه دوغولوبسی انزلی
قبرستانیندادی
*ائلچی بئی . بیر مدنیت خادیمی کیمین انزلی ده چالیشیر
*اینجه باخیش. گیلان
تورک شاعیرلریندن چاپ اولونموش کیتابین آدیدیر
*اوستاد شهریار آدینا گیلان
تورک شاعیرلری طرفینن آچیلان درنه گین
آدیدیر