یازار : ائلچی بئی | بؤلوم :
+0 به یه ن
کـؤنول سـه خستــه کـؤورلمـه حکیـم لوقمانی گیلاندیر
اورکلر تــوختــادان جنّـت کـؤنــول درمـانی گیلاندیر
خــزردن جــانــلانیر جــانــلار صـدفلر ایـچره مرجانلار
هــؤره ن البـرزی طـوبـادان قـوران سئیـوانـی گیلاندیر
یـاشیـل یـاپـراقلی طـوبـالار مـلک لـر چیـن سـالیـر سایه
طبیعـت قــارشـی حــوری لـه دولان هـر یانی گیلاندیر
گـــولــون طــاغینـــدا بـولبـوللر پـری لـر ساقی نقشینده
دولـو سـاغـرسـه صهبــادن تــؤره ن ایمکـانی گیلاندیر
وجـی، یـوسـف، بشیرین ده گره کدیر شعری پارلانسین
وئـرن اونــلار چــون ایلهـامی ائـدن عیـرفانی گیلاندیر
مـرادی ائلچـی بـه ی شـاعیـر آد آلمیش اونـلارا قـارشی
تؤره نمیش تورک اوجاغیندان کؤچر ایسکانی گیلاندیر
اؤیـورلـر گیلــه کـی تــورکی گــؤزل خلخـالی گیلانی
قـوشـا اونـلارچــون ایلهـامـی ائـــدن ارزانـی گیلاندیر
اوجـالـدیـب انـزلـی شهــریـن چکیبلـر وصفـه شعـر ایله
گــؤزللـردن گـؤزل شهـرین گـؤزل میـزبانی گیلاندیر
کلـیـبــردن ده «ســامـانی» بیـلـرکـن اونــلاریــن قدرین
او ســـویـلارلا یئـنـه همــدم ائـدن «ایمـان»ی گیلاندیر
اوستاد
شاعیریمیز ایمان وئردی سامانی (ایمان )قاراداغ ماحالی نین کلیبر
شهرینن
بو شعیری گیلان ایجتماعیتینه خطابا یازمیشدی اولدوقجا جانابلارینان تشکور
ائلیرم